Ողորկամաշկ, ողնաշարազուրկ,

Ոլորուն, ողորմ,

Ոչ  ոսկրակեր, որդերի

Ոհմակներինն  է ողջը, որ

Ոգեզուրկացած է, որ

Ոչնչացվելու է, որ

Ոչնչ8յուն է, որը

Որ  ոչ  ոք  է ու  ոչինչ:

Որկրամոլ  որդերինն  են

Ոմանք, որ ողորմածիկ են ոգեվար,

Ոմանք որ ողբանվաղ են ողորմելի:

Ովքեր, որ ողջախոհ էին՝ ոգեթափ են:

Որոնք, որ ողջամիտ էին՝ որդակեր են:

Ոմանք, որ ոխերիմ

Ոխակալներ էին՝  ողորմատեսք  են։

Ով, որ ողբերգակ, ողբերգախաղաց էր՝

Ողբ է  ու  ողբերգ8յուն:

Որոնք ,որ  ողջունելի էին՝ ողբացիալ են,

Ով, որ որոշակի էր,

 Ոմն` է  և  ոչ  որոշակի է:

Ովքեր  ողջ  էին՝  ոչ  ողջ  են  ու որդնած,

Ոմանք, որ ոգեպաշտ էին՝

Ոգեզրկված  ոգեզուրկներ են:

Ովքեր, որ  ոճրածին, ոճրադավ  էին՝

Ողբալի են ոչնչացված:

Ոմանք, որ որոտախոս էին՝

Որակազուրկ, ոտնահարված ոչինչ են:

Ովքեր  որսորդ էին՝

Որսն  են  որդերի:

Ով, որ  ողջ  որակ էր,

Որակազուրկ  է ոջլոտ:

Ոմանք, որ  ոսկեմոլ,

Ոսկեվաճառներ էին՝ ողորմելի  որդակեր են:

Ովքեր, որ  ոգեշնչել  էին

Ոմանց՝  ոգեսպառ  ու ոչ  ոք են:

Ոմանք, որ ոգելիցից

Ոգևորված  ոգեպինդ,

Ոգեշնչող, ոգեպատիր

Որոշումներ էին  ոգորում  ու  ոգեկոչում,

Ոգեսպառ,  ոգեմռունչ

Ոչնչ8յուններ են  ոգեացած.

Ողորմելի  են  ոչնչատեսիլ  ու ոչուփուչ են:

Ոմանք, որ  ոգեհաց  էին որոճում

Որոճվում են  որդերով  ու

Որդերի  որոճանք են:

Ոտքեր են՝  ոտաբոբիկ,

Ոտքեր են՝  ոսկրացավազուրկ,

Ոտքեր են, որ  ոտքի  էլ  չեն.

Ո՛չ   ոտնաձայներ,

Ո՛չ  ոտնահետքեր,

Ոսկորներ  են  ոսկրափտող:

Ովքե՜ր   ողնաշարավորներ  էին  ողջ

Որդերինն  են`  ոչ  ողնաշարավոր:

Որոտացող  ողբերգ8յուն է` ոչ  որոտաձայն,

Որդ` որկրամոլների որսորդ,

Որոգայթավոր  ոչնչացումը  ողջունող`

Ոչուփուչի  որդնած,

Ոտնահարված, ողորմատեսիլ,

Ոթացող  ողբի  ողողա՛նք …