Ամեօրյա  արշալույսին

Արթնացած անհոգ

Անհամար  արու

Աքաղաղների  այգաբացը

Ազդարարող  առույգ

Աքլորականչերով  ենք  արթնանում

Ալարկոտ ամենքս

Աղագույն  անկողիներում

Ամենատարբեր  անդրավարտիկներով՝…

Գեջ  գետնով

Գլոր-գլոր  գարնակների

Գետնաթավալ  գլվլոցով

Գեղունի   գարունն է 

Գողտրուկ  գողտրիկ  գալիս.

Գորշությունը  գունազարդելու

Գունաթափը  գունավորելու

Գունազուրկը  գունագեղելու.

Գարնանահորդ   գեղաճաճանչ

Գարնազվարճ  գեղաձայն

Գեղադալար  գարնանաբույր

Գարնանամուտի՝  գովերգությամբ…

Ծլվլացող ծտերի

Ծուլորեն ծռտած

Ծեռտից  ծռտոտված էր

Ծեր ծիրանի

Ծուռ  ծառը։

                      

Շառագույն  շիֆոնե

Շրջազգեստով   շոկոլադասեր

Շիկահեր  շնիկատեր

Շատախոս  Շաքեն՝

Շղթայակապ  շնիկով

Շշմած  շրջում է

Շողազարդ  շոյող

Շշուկով  շարժվող

Շքեղափայլ շողշողուն

Շուշանների  շարքերով…

Մարմնի   մարսողական8յան

Մանրակրկիտ  մանրամասներով

Միշտ  մտազբաղ

Մտահոգ  մտածող

Մարսելի   մոտակայքի

Մշտաբնակ մարսելաբնեկները  ու

Մասնավորապես  մարսելահայերը՝

Մեծամասն8յամբ   մշտապես  մտահոգված են

Մարսվելիք   մթերքները

Մարսել՝    միմիյան

Մարսողական   միջոցներով

Մասնավորապես   մաքուր 

Մերած   մածնի 

Մշտական   միջամտ8յամբ…      

Խիտ  խավարը

Խաղաղ   խորասուզվել  ու

Խցկվել  էր խուլ

Խարխուլ  խրճիթի

Խոնավ  խոր

Խորքերը   խորհրդավոր…