ՆԻՑՇԵ
Նողկանքագույն ներկով
Նոր ներկված,
« Նոզեմատոզ»՚ նորանվանված
Նիարդահիվանդանոցի ներկահոտ
Նկուղի նեղ
Նստարանին նստեցրած և
Նվազագույնս նպաստավոր, բայց
Նվաստացնելու նպատակով ու
Ներվահանգաստացուցիչ՜ նկատառումներով
Նրբանկատ նախագծված ու
Նպատակահարմար նախատեսված,
Նզովյալ, ներպարփակող
Ներամփոփոխ, նեղ, նաֆթագույն
Ներքնահագուստում` ներամփոփված,
Նիհարած, նիկոտինաներկված
Նետաձևաբեղ, նյարդախտից
Նեղացած ներվագարի
Նեղսրտված նայվածքով
Նայող Նիցշեն`
Նկատելի նյարդահար էր,
Նոթոտ նշմարելի
Նյարդահույզ , ներվայնացած
Ներկայի նկատմամբ,
Նենգ, նեռի ներարկված
Ներքին ներշնչանքներով
Ներծծված, նվաստամիտ,
Նվնվան, նզովյալ,
Նիզակախոցացավի նմանվող
Ներքնագանգացավերից նկատելիորեն
Նյարդայնացած, նենգամտորեն,
Նանրամիտ, ներքուստ,
Նորանոր, նորահնար,
Նանրախոհերով ներամփոփված,
Նպատակազուրկ նվաղկոտ`
Նավապետի նման, որը
Նավաստիազուրկ, նույն
Նավահանգստում նավարկելազուրկ
Նավով. նոթոտ
Նավասուզվում էր ներկայի
Նեխված նզովքը...
Նպատակները` նոր
Ներհակություններ, նենգ
Նշավակություններ նորանոր
Նախատինքների նվերներն էին...
Նյարդագարության նզովյալ
Նողկալի նյարդախտի, բայց
Նահատակվածներին` ներում են
Ներված է և Նիցշեն.
Նույնիսկ՝ ՆՐԱ՛Ն, ՆԱ՛ԽԷ-ին
Նախատողը` «նշանավոր»…
No comments:
Post a Comment