Իրականում իսկապե՞ս
Իսկանան է իրեղեն
Իրականությունը. իրո՞ք
Իրողություն է ինչը որ ի ցույց է
Ի ծնե ինքնիրեն
Ինքնատիպ ինքնազոր
Ինքնեղ ինքնօրինակ
Ինքնաբերաբար իբրև
Ինքնըստինքյան իրավ
Ինքնաբուխ ինքնամփոփ
Ինքնածին ինքնագոյ
Իսկության իսկապատում …
Ինքնահատուկ ինքնակացություն
Ինքնահնար ինքնաստեղծ
Ինքնավերահսկող ինքնավստահ
Ինքնաբավ իմաստալից
Ինքնամփոփ իրավիճակ թե՞
Իրականում ինչ- որ իմաստազուրկ
Ինքնախաբեության իրարանցում է
Ինքն- իրեն ինքնամոլոր…
Ինքս՝ ինչու ինչպես իմանամ…, իսկ
Իմացատենչ իրազեկ
Իմաստասեր իմաստաբան
Իմացող իմաստունները
Իսկապես իմացա՞ն թե
Ինչն-ինչոց է ու
Ի՞նչպես է ու ի՞նչքան՝ թե՞
Իցե՝ իմաստազուրկ ու
Իզուր է՝ իքս ու իգրեկ է՝ իմանալը՝
Ինչ իմանաս…
Իմանաս ի՜նչ Է՝ Ի՛…
No comments:
Post a Comment